Хачгаар дамжих халдварт өвчний улиралчлал үргэлжилж байгаатай холбогдуулан ЗӨСТөвөөс дараах арга хэмжээнүүдийг авч хэрэгжүүлэн ажиллаж байна.

1. Алтайн мэдээ сонинд “Хачгаар дамжих халдварт өвчнөөс сэргийлье” сэрэмжлүүлэг мэдээ нийтлүүлсэн.
2. Алтай радиод хачгаар дамжих халдварт өвчний урьдчилан сэргийлэлт, эмчилгээ, оношлогооны талаар 3 удаагийн ярилцлага өгсөн.
3. Мөн миний Алтай телевизэд ярилцлага өгсөн.
4. Эрсдэлт бүлэгт ажилладаг ЗӨСТ, ОБГ-ын ажилтан, албан хаагчдыг хачигт энцефалит өвчнөөс урьдчилан сэргийлэх дархлаажуулалтын III тунд хамруулсан.
5. Хачгаар дамжих халдварын тандал судалгааг Жаргалан, Тайшир, Дэлгэр сумдын нутгаар 2020 оны 04 дүгээр сарын 15-18-ны хооронд хийж гүйцэтгэж байна.
6. Нэгдсэн эмнэлгийн халдвартын тасаг, СЭМТөвүүдийн амбулаториор ирж үзүүлж байгаа болон хэвтэн эмчлүүлж байгаа сэжигтэй тохиолдол бүрээс лабораторийн шинжилгээ авч анхдагч тохиолдлын шинжилгээг орон нутагтаа, давтан шинжилгээг ЗӨСҮТ-ийн лавлагаа лабораториор шинжлүүлж байна.
7. Нэгдсэн эмнэлгийн халдвартын тасагт хачгийн халдвараар хэвтэн эмчлүүлж байгаа тохиолдлуудад тархвар судалгаа хийж, зөвлөгөө өгч ажиллаж байна.
8. Одоогийн нөхцөл байдалтай уялдуулан мэдээ мэдээлэл, сургалт сурталчилгааг байгууллагын вэб сайт болон вэб хуудас, facebook хаягаар дамжуулан ард иргэдэд хүргэж байна.